Ефектите од долго време гледање во екраните се очигледни. Уморни и насолзени очи, главоболки, заматен вид, црвени очи од премногу триење. Сината светлина од компјутерските екрани и дигиталните уреди го намалува контрастот, што доведува до дигитално напрегање на очите, замор, суви очи и непријатност. Освен овие, продолженото изложување на сина светлина може да предизвика оштетување на мрежницата на клетките чувствителни на светлина.
Додека повеќето возрасни ги проверуваат паметните телефони на секои 10 минути, децата и тинејџерите исто така ги користат овие уреди за забава, игри и едукативни цели. Колку повеќе часови ќе ги користите вашите уреди, толку голема количина сини светлосни зраци ќе навлезат во очите.
Децата и помладите поединци се изложени на посебен ризик, бидејќи нивните леќи за очи се особено проѕирни. Значи, добрата грижа за очите со филтрирање на штетната сина светлина е корисна уште од рана возраст.
Заштитете ги очите од УВ и високо-енергетската видлива (HEV) светлина.
Светлината е категоризирана по бранови должини, а најкратката е ултравиолетова, проследена со видлива и инфрацрвена. Колку е пократка брановата должина, толку е поголема енергијата. Видлива светлина се однесува на електромагнетно зрачење со бранови должини од околу 400 nm до 700 nm. Како што брановите должини се зголемуваат во тој спектар, боите што ги гледаме се движат од виолетова до црвена. УВ-Ц, кој се карактеризира со бранови должини до 280 nm, се апсорбира од озонската обвивка во атмосферата. УВ-Б, со бранови должини од 280 nm до 315 nm, целосно се апсорбира од рожницата на површината на окото. Од UV-A светлината со подолга бранова должина (315-400 nm), повеќето се апсорбираат од рожницата. Но, од светлината што минува низ рожницата, речиси целата се апсорбира од дел од окото наречен леќа, при што околу 1% поминува низ леќата и стигнува до мрежницата. Познато е дека изложувањето на овие УВ зраци предизвикува фотокератитис (изгореници на окото) и доведува до хронични проблеми како што се птеригија и катаракта. Со намалување на УВ зраците*1, можеме да го намалиме оштетувањето на рожницата и леќата.
HEV светлината минува низ рожницата и леќата
Во видливиот спектар, постои тип на светлина категоризирана како високо-енергетска видлива светлина (HEV), чија енергија е веднаш под онаа на ултравиолетовата. HEV светлината има сино-виолетова до сина боја, со бранови должини од 400-500 nm. Овие бранови кои често се нарекуваат „сина светлина“ минуваат низ леќите и стигнуваат до мрежницата. Се смета дека светлината во делот од 400-420 nm од спектарот е особено штетна. Во стандардизирани лабораториски експерименти со употреба на клеточни култури, професорот Ричард Фанк од Техничкиот универзитет во Дрезден покажа дека невронските ретинални клетки доживуваат поголем оксидативен стрес кога се изложени на светлина од 411 nm отколку на светлина од 470 nm, и покажуваат индикации за клеточна смрт (апоптоза) (сл. 1)*2. Бидејќи светлината со кратка бранова должина во спектарот од 400–420 nm има толку висока енергија, поверојатно е да помине низ рожницата и леќата и да предизвика штетни физички и хемиски реакции. Помладите лица (до околу 20 години) се изложени на посебен ризик, бидејќи нивните леќи за очи се особено проѕирни и имаат тенденција да учествуваат во повеќе активности на отворено.
Слика 1
Во тестирањето на животни, беше откриено дека има поголемо зголемување на процентот на клетки со содржина на суб-G1 ДНК (показател за апоптоза) по зрачење во текот на 24 часа со светлина од 411 nm (на 4,5 W/m²) отколку со други бранови должини. (Контрола: пред зрачење)
.
Ричард Фанк
Карл Густав Карус,
Медицински факултет,
Технички Универзитет Дрезден
Боите изгледаат природно
Ова е причината зошто создадовме леќи за секојдневна употреба кои ја исклучуваат светлината од ултравиолетовите до 420 nm, користејќи технологија UV+420cut™. Светлината 400–420 филтрирана со технологијата UV+420cut™ нема ефект врз тоа како се појавуваат боите.
Референци:
*1 WHO Protection Against Exposure to Ultraviolet Radiation 1995
*2 Knels, L., Valtink, M., Roehiecke, C., Lupp, A., Vega, J. d. l., Mehner, M., & Funk, R. H. W. (2011) Blue light stress in retinal neuronal (R28) cells is dependent on wavelength range and irradiance. European Journal of Neuroscience, 34, 548-558
Превземено и преведено од: https://jp.mitsuichemicals.com/en/special/uv420cut/why/